Президентнинг «Мактабгача таълим ва тарбия тизимини янада такомиллаштириш чора-тадбирлари тўғрисида»ги Фармони  қабул қилинди. Унда мактабгача таълим ташкилотларининг муқобил шакли «Янги авлод» мактабгача таълим ташкилотлари тармоғи ташкил этилади ва унинг таркибида Болаларни ривожлантириш инновацион маркази фаолияти йўлга қўйилади. Шунингдек, бир йиллик мактабга тайёрлов гуруҳларининг таълим дастури мажбурий умумий ўрта таълимнинг дастлабки босқичи сифатида киритилади. Бир йиллик мактабга тайёрлов гуруҳлари фаолияти мактабгача таълим ташкилотлари, мактаблар ва ижтимоий соҳа объектларида йўлга қўйилади. Энг асосийси, нодавлат таълим ташкилотларига ҳам бир йиллик мактабга тайёрлов гуруҳларини ташкил этишга рухсат берилади. Rasmiy axborot

Prezidentning «Maktabgacha ta’lim va tarbiya tizimini yanada takomillashtirish chora-tadbirlari to‘g‘risida»gi Farmoni  qabul qilindi.

Unda maktabgacha ta’lim tashkilotlarining muqobil shakli «Yangi avlod» maktabgacha ta’lim tashkilotlari tarmog‘i tashkil etiladi va uning tarkibida Bolalarni rivojlantirish innovatsion markazi faoliyati yo‘lga qo‘yiladi.

Shuningdek, bir yillik maktabga tayyorlov guruhlarining ta’lim dasturi majburiy umumiy o‘rta ta’limning dastlabki bosqichi sifatida kiritiladi.

Bir yillik maktabga tayyorlov guruhlari faoliyati maktabgacha ta’lim tashkilotlari, maktablar va ijtimoiy soha obyektlarida yo‘lga qo‘yiladi.

Eng asosiysi, nodavlat ta’lim tashkilotlariga ham bir yillik maktabga tayyorlov guruhlarini tashkil etishga ruxsat beriladi.

Rasmiy axborot