Samarqand shahridagi Prezident maktabida Oliy Majlis Qonunchilik palatasi Spikerining o‘rinbosari, O‘zbekiston Fanlar akademiyasi akademigi Akmal Saidov va Plexanov nomidagi Rossiya iqtisodiyot universitetining Toshkent shahar filiali direktori, O‘zFA akademigi Qalandar Abdurahmonov bilan o‘quvchilarning uchrashuvi tashkil etildi.
Unda ta’lim maskani o‘qituvchi va yoshlari bilan birga hududdagi ixtisoslashtirilgan maktablarning o‘quvchilari ham ishtirok etdi.
O‘quvchilar samimiy suhbat orqali akademiklardan ilm olish sirlarini o‘rgandi, ularning hayot va ilm yo‘llari haqida bilib oldi.
Faol o‘qituvchi va o‘quvchilar akademiklarning e’tiboridan chetda qolmadi - o‘zlari yozgan kitoblardan sovg‘a qildi.