Joriy yilning 29-iyul kuni O‘zbekiston Respublikasi Oliy Majlisi Qonunchilik palatasi binosida “Konstitutsiyaviy islohotlar sharoitida yuvenal yustitsiya institutini mustahkamlash” mavzusida katta davra suhbati bo‘lib o‘tdi.
Ushbu tadbir Oliy Majlis Mehnat va ijtimoiy masalalar qo‘mitasi hamda Qonunchilik muammolari va parlament tadqiqotlari instituti tomonidan tashkil etilib, unda qo‘mita raisi Mavluda Xodjayeva va Spiker birinchi o‘rinbosari Akmal Saidovlar ishtirok etishdi.
Bu kabi dolzarb mavzular muhokamasiga “Xalqaro iqtisodiyot va menejment” fakulteti dekan muovini Baxrom Nazaraliyev boshchiligidagi “Renessans” klubi faol talaba yoshlari ham qatnashib, kun tartibidagi savollar yuzasidan real ahamiyat kasb etuvchi taklif-mulohazalarini bayon qilishdi.