O‘zbekiston Respublikasi Prezidentining “O‘zbekiston Respublikasi Urbanizatsiya va uy-joy bozorini barqaror rivojlantirish milliy qo‘mitasi faoliyatini tashkil etish chora-tadbirlari to‘g‘risida”gi qarori qabul qilindi.

Mazkur qarorni qabul qilishdan bir qator muhim maqsadlar ko‘zlangan. Quyida ularning ba’zilariga qisqacha to‘xtalamiz.

Urbanizatsiya va uy-joy sohasida davlat boshqaruvi samaradorligi oshiriladi. O‘zbekiston Respublikasi Urbanizatsiya va uy-joy bozorini barqaror rivojlantirish milliy qo‘mitasi faoliyati tashkil etiladi.

Endi davlat organi mas’uliyati oshiriladi. Shunday tartib o‘rnatiladiki, unga ko‘ra tegishli masalalarni o‘z ichiga olgan normativ-huquqiy hujjatlar loyihalari Milliy qo‘mita bilan majburiy kelishilishi shart bo‘ladi.

Bu masalalar sirasiga, uy-joylar qurilishida davlat tomonidan qo‘llab-quvvatlash choralari, Nukus va Toshkent shaharlari, viloyatlar markazlari va boshqa aglomeratsiyalarda uy-joy hamda noturar joy majmualarini qurish loyihalarini amalga oshirish kiradi.

Shuningdek, “Yangi O‘zbekiston” massivlari va boshqa massivlarda ko‘p kvartirali uylar qurilishi bo‘yicha yillik maqsadli ko‘rsatkichlar tasdiqlanadi.

O‘zA