Тинчлик мукофоти анъанавий тарзда шу ҳафта эълон қилинадиган Нобель мукофотларининг охиргиси ҳисобланади. У кўпинча ҳозирги глобал можаролар ва инсон ҳуқуқлари учун курашни акс эттиргани учун барча мукофотлар ичида энг сиёсийси ҳисобланади.

Ўтган йили Япониянинг Nihon Hidankyo ташкилоти атом бомбаси қурбонларини бирлаштирган “ядровий қуролсиз дунё учун узоқ йиллик кураши ҳамда Хиросима ва Нагасаки атом бомбаларининг инсонпарварлик оқибатларига гувоҳлик бергани учун” мазкур мукофотга сазовор бўлди.

Бу йилги ғолиб медаль, диплом ва тахминан 11 миллион швед крони (950 000 доллардан ортиқ) миқдоридаги пул мукофотига эга бўлади. Тақдирлаш маросими мукофот асосчиси Алфред Нобель вафот этган 10 декабрь куни Ослода бўлиб ўтади, деб хабар берди unian.net.

 «Янги Ўзбекистон» ва «Правда Востока» газеталари таҳририяти»