Франциянинг етакчи нашрларидан бири “Le Figaro” Ўзбекистоннинг бошқарув соҳасидаги ислоҳотлари, Президент Шавкат Мирзиёев раҳбарлигида мамлакатимизда амалга оширилган муҳим ташаббусларни ёритди.

Жумладан, Халқ қабулхоналари ва Виртуал қабулхона – фуқаролар ва ҳукумат ўртасида тўғридан-тўғри мулоқотни таъминлаш, рақамли платформалар – фуқароларнинг давлат сиёсатини шакллантиришда иштирок этиши, Ташаббусли бюджет ва “Очиқ бюджет” портали – жамоатчиликнинг давлат харажатларини белгилашдаги иштирокини таъминлаши каби масалаларга урғу берилган.

Дарҳақиқат, фуқаролик жамияти ва мустақил ОАВни ривожлантириш, давлат бошқарувида жамоатчилик манфаатларини кафолатлаш йўлидаги ислоҳотлар Ўзбекистондаги демократик ривожланишнинг тарихий босқичи бўлиб, Марказий Осиёдаги давлатлар учун янги намуна яратмоқда. “Le Figaro” нашрида айни масалаларга ҳам урғу берилган.

А.РУСТАМОВ, ЎзА