Японияда 29 йил давомида автобус ҳайдовчиси сифатида ишлаб келган эркак 7 доллар ўғирлагани учун ишдан бўшатилди. Шунингдек, у 84 минг долларлик пенсия нафақасидан ҳам маҳрум бўлди, деб ёзади CBS News.

Қайд этилишича, 2022 йилда Киото муниципал транспорт бюроси ходимлари кузатув камераларидаги ёзувларни кўриб чиқиш вақтида автобус ҳайдовчиларидан бири йўловчидан олинган 1000 юанлик (7 доллар) купюрани йўлкира учун мўлжалланган автоматга қўйиш ўрнига, ҳамёнига солганини пайқаб қолган. Ўз раҳбари билан учрашувда эркак айбига иқрор бўлмаган.

Натижада, ҳайдовчи ишдан бўшатилган. Унга белгиланган пенсия нафақаси бекор қилингач, эркак Киото шаҳар судига мурожаат қилган ва дастлабки суд жараёнига ютқазган.

Кейинроқ апелляция суди ҳайдовчига чиқарилган жазони ҳаддан ортиқ қаттиқ дея, уни берко қилган. Аммо Япония Олий суди дастлабки қарорни қайта тиклаган ва ҳукумат тарафини олган. Таъкидланишича, эркакнинг хатти-ҳаракати жамоатчиликнинг маҳаллий транспорт тизимига бўлган ишончига путур етказиши мумкин.

Ҳайдовчи карераси давомида бошқа можароларга алоқадорлиги учун ҳайфсанлар ҳам олган. Масалан, у хизмат вазифасини бажариш чоғида, бироқ автобусда йўловчилар йўқ бўлган пайтда, тамаки чеккан.

Kun.uz