Польша пойтахти Варшава шаҳрида роботлар сунъий интеллектни тартибга солишни талаб қилиб, норозилик намойиши ўтказди. Тахминан 30 гуманоид ва тўрт оёқли роботлар мамлакат Рақамли технологиялар вазирлиги олдида юриш қилиб, "Иш ўринларини ҳимоя қилинг”, “Тартибга солиш вақти келди” ва “Кутманг, тартибга солинг” каби шиорларни кўтариб олган.
“Темир одам”лар иштирокидаги илк намойиш сифатида баҳоланган ушбу акция тарафдорлари иш ўрнини ҳимоя қилиш учун СИ ва робот техникасини тартибга солиш заруратига эътибор қаратишни кўзлаган.
Рақамли технологиялар вазири Кшиштоф Гавковски намойишчилар билан учрашиб, уларга идора тегишли қоида устида ишлаётганини маълум қилди.
Ташкилотчилардан бири эса парламентда муҳокама қилинаётган ташаббус ишчилар учун етарли ҳимояни таъминлай олмаслигига урғу берган.
С.Раҳимов, ЎзА