Бугун, 30 август куни пойтахтнинг Кўксарой қароргоҳида анъанага кўра Мустақиллик байрами арафасида фахрий унвонларга лойиқ кўрилганларни тақдирлаш маросими бўлиб ўтди.

Президент Шавкат Мирзиёев тадбир аввалида нутқ сўзларкан, бугунги кунда муҳокама бўлаётган мавзуларга ҳам тўхталди.

“Бугун хурсандчилик кунларда кўпчилик муҳокама қилаётган айрим мавзулар кўнгилни хира қилади. Хотин-қизларимизга, азиз аёлларимизга нисбатан айрим зўравонликларни умуман қабул қилиб бўлмайди. Бу бизнинг миллатга хос бўлмаган чидаб бўлмас иллат.

Бунга қўл урганлар аёл қиёфасида ўз онаси сиймосини эсласин. Оқила опа-сингилларимиз бундай муносабатга лойиқ эмас!” – деди Шавкат Мирзиёев.