Ўзбекистон Республикаси Олий Мажлиси Қонунчилик палатаси Спикерининг биринчи ўринбосари, Инсон ҳуқуқлари бўйича Ўзбекистон Республикаси Миллий маркази директори Акмал Саидов номига Европада Хавфсизлик ва ҳамкорлик ташкилоти (ЕХҲТ) Демократик институтлар ва инсон ҳуқуқлари бўйича бюроси директори Маттео Мекаччи ва Швециянинг ЕХҲТдаги доимий вакили Ульрика Фунеред номидан миннатдорчилик мактуби келди.
Мактубда жорий йил 26-27 апрель кунлари ЕХҲТнинг инсонийлик мезонлари бўйича Қўшимча кенгаши якунлари доирасида бўлиб ўтган “Демократик қонун ижодкорлиги: томонлар иштирокини таъминлаш” мавзуидаги онлайн йиғилишда иштирок этгани учун А.Саидовга миннатдорчилик билдирилган. Инсон ҳуқуқлари бўйича Ўзбекистон Республикаси Миллий маркази директори ушбу Кенгашнинг иккинчи ишчи йиғилишида иштирок этган ва сўзга чиққанди.
Инсон ҳуқуқлари бўйича
Ўзбекистон Республикаси
Миллий марказининг
Матбуот хизмати