Президент қарори (ПҚ-270-сон, 08.09.2025 й.) билан “Суд-экспертлик фаолиятини янада такомиллаштириш ва соҳага замонавий технологияларни кенг жорий этиш чора-тадбирлари тўғрисида”ги ҳужжат қабул қилинди.

”E-ekspertiza” ахборот тизими жорий этилиб, сунъий интеллект ва рақамли технологиялар орқали тадқиқотларнинг тезкорлиги ва холислиги таъминланади.

Суд-экспертиза ташкилотлари ва экспертиза тайинловчи органлар ўртасида электрон ҳужжатлар алмашинуви 100%га етказилади.

Нодавлат суд-экспертиза ташкилотларини бирлаштирувчи Ўзбекистон суд экспертлари палатаси тузилади.

Нодавлат экспертларга суд-экспертлик бюроси шаклида якка тартибда фаолият юритиш ҳуқуқи берилади.

Янгиликлар босқичма-босқич амалга оширилади:

• 2025 йил 1 ноябрдан адвокат сўровига кўра шартнома асосида экспертиза ўтказиш тартиби жорий этилади;

• 2025 йил 15 декабрдан шахслар “Sud-ekspert” портали орқали онлайн мурожаат қилиш имкониятига эга бўлади;

• 2026 йил 1 январдан суд экспертлари жойларда объектларни кўздан кечиришда бодикамерадан фойдаланиши мажбурий бўлади;

• 2026 йилдан “E-ekspertiza” тизими республикадан бошлаб барча даражада босқичма-босқич жорий этилади.

Расмий хабарлар