Мамлакатимизда бўлиб ўтаётган Тошкент Халқаро инвестиция форумида хорижлик тадбиркорлар, йирик инвесторлар, юқори даражадаги меҳмонлар, халқаро ташкилотлар ҳамда молия институтлари вакиллари иштирок этиб, ўз фикр-мулоҳазаларини билдирди.

Татьяна Рей-Беллет, Халқаро автомобиль транспорти иттифоқи директори:  

– Халқаро форум Ўзбекистоннинг жадал ривожланаётган бозорига интеграциялашувдан манфаатдор бўлган йирик хорижий сармоядор, молия-иқтисодий ташкилот ва компания раҳбарларини жалб этишга қаратилган.  

Фабризио Тригила, АSSОМАC – Пойабзал, чарм буюмлар ва кўнчилик технологиялари миллий ассоциацияси лойиҳа бошқарувчиси: 

– Юқори даражадаги форум бутун ҳамжамият эътиборида бўлиб турибди. Мазкур анжуман тарихий воқеага айланиши турган гап. Тошкент – халқаро инвестициявий лойиҳаларни мувофиқлаштириш учун майдон бўлмоқда.  

Ўзбекистон ва Италия ўртасидаги икки томонлама иқтисодий ҳамкорлик жадал ривожланяпти. Масалан, биргина йўналишни оладиган бўлсак, чарм-саноат корхоналаримиз фаол ҳамкорликни йўлга қўйган. Бундай истиқболли ҳаракатлар келгусида фаоллашади, албатта. Ўзбекистон инвестицион потенциалга эга мамлакатдир. Хорижий инвесторлар, жумладан, Италия томони кўплаб соҳаларда иқтисодий алоқани ривожлантиришга алоҳида эътибор қаратмоқда. 

Тошкентда ўтказилаётган инвестиция форуми Ўзбекистон ва Италия ҳамкорлигида янги қирраларни очиб беришига ишонаман. Анжуман доирасида қатор секцияларга доир учрашувлар ўтказилади. Делегациямиз Г2Г, Г2Б ва Б2Б шаклларида иштирок этмоқда.  

Биламиз, Италия экспорти ишлаб чиқарувчи мамлакатларнинг барча экспортининг тахминан 50 фоизини ташкил қилади. Ҳар йили Италия компаниялари ўз маҳсулотларининг 70 фоиздан ортиғини дунёнинг юздан ортиқ мамлакатларига экспорт қилади. Шундай экан, бу ерига фақат ҳамкорлигимиз қамрови ошади. Италия машиналарини рақобатчилардан ажратиб турадиган нарса нафақат сифат. Бу ҳам мослаштириш. Италия чарм-машина ишлаб чиқарувчилари етказиб берувчилар ва фойдаланувчилар ўртасидаги муносабатларга ўхшаб, иш учун "тўғри" маҳсулотни яратиш учун мижозлар билан яқиндан ҳамкорлик қиладилар. 

Б.Худойбердиев, ЎзА