Конституциявий комиссиядан маълум қилишларича, “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий қонун лойиҳаси 7 турдаги экспертизадан ўтказилади.
Бу ўринда, жумладан:
- Вазирлар Маҳкамаси ҳузуридаги Атамалар комиссияси томонидан лингвистик экспертиза;
- Қонунчилик палатаси юридик бошқармаси томонидан ҳуқуқий экспертиза;
- Адлия вазирлигидан дастлабки тарздаги ҳуқуқий экспертиза;
- Хотин-қизларнинг жамиятдаги ролини ошириш, гендер тенглик ва оила масалалари бўйича Республика комиссияси томонидан гендер-ҳуқуқий экспертиза;
- Коррупцияга қарши курашиш агентлиги томонидан коррупцияга қарши экспертиза;
- Савдо-саноат палатаси томонидан жамоатчилик экспертизаси;
- Инсон ҳуқуқлари бўйича Ўзбекистон Республикаси Миллий маркази томонидан инсон ҳуқуқлари бўйича нормаларга мувофиқлиги бўйича экспертиза ҳақида сўз бормоқда.
Инсон ҳуқуқлари бўйича
Ўзбекистон Республикаси
Миллий марказининг
матбуот хизмати