Инсон ҳуқуқлари бўйича Ўзбекистон Республикаси Миллий маркази  2022 – йил учун таянч докторантура, докторантура ва мустақил изланувчанлик институтига қуйидаги мутахассисликлар бўйича қабул эълон қилади:

* Мустақил изланувчиликка аниқ квота миқдори белгиланмаган бўлиб, Қабул комиссияси суҳбатидан ўтган талабгорлар қабул қилинади.

Таянч докторантура

Таянч докторантурага магистр даражасига ва фалсафа доктори (PhD) илмий даражасини олиш учун диссертация тадқиқоти асосини ташкил қилиши мумкин бўлган илмий натижалар, шу жумладан илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга талабгорларлар қабул қилинади.

Таянч докторантурада ўқишга талабгорлар қуйидаги ҳужжатларни тақдим этадилар:

• ариза;
• қисқача биографик маълумотнома;
• меҳнат дафтарчасининг белгиланган тартибда тасдиқланган нусхаси (ишлаётган талабгорлар учун);
• олий таълим муассасаси магистратураси дипломи нусхаси;
• нашр этилган илмий ишлар рўйхати, шунингдек уларнинг нусхалари.

Ўзбекистон Республикаси Президенти Давлат стипендияси соҳиблари тегишли ҳужжат нусхасини тақдим этадилар.

Таянч докторантурада ўқиш учун талабгорлар мутахассислик ва чет тили (таълимнинг олдинги даражаларида ўрганилган хорижий тил) бўйича кириш имтиҳонлари топширадилар. Талабгорларда IELTS (ўртача балли камида 5,5), TOEFL (РВТ) (567 баллдан кам бўлмаган), TOEFL (iBT) (87 баллдан кам бўлмаган), CEFR (В2 даражадан паст бўлмаган) бўйича тасдиқловчи амалдаги халқаро малака сертификатлари мавжуд бўлганда чет тилидан топшириладиган имтиҳонлардан озод этилади.

Докторантура

Докторантурага фан номзоди ёки фалсафа доктори (PhD) ёхуд уларга тенглаштирилган хорижий давлатларда олинган илмий даражалар, фан номзоди ёки фалсафа доктори (PhD) илмий даражаси ёхуд уларга тенглаштирилган бошқа илмий даражалар олгандан сўнг муҳим илмий ютуқларга эришиш, шу жумладан, фан доктори (DSc) илмий даражасини олиш учун диссертация тадқиқоти асосини ташкил қилиши мумкин бўлган илмий журналларда чоп этилган камида учта илмий мақолага ҳамда илмий-амалий конференциялар, семинарлар ва тегишли илмий йўналишлар бўйича илмий ишлар тўпламларида камида иккита тезисга эга талабгорларлар қабул қилинади.

Докторантурада ўқишга талабгорлар қуйидаги ҳужжатларни тақдим этадилар:

• ариза;
• қисқача биографик маълумотнома;
• меҳнат дафтарчасининг белгиланган тартибда тасдиқланган нусхаси (ишлаётган талабгорлар учун);
• олий маълумот, фан номзоди ёхуд фалсафа доктори (PhD) ёки хорижий давлатларда унга тенглаштирилган илмий даражага эга бўлганлиги тўғрисидаги диплом нусхаси;
• тадқиқот мавзуси бўйича илмий маъруза ва фан доктори (DSc) илмий даражасини олиш учун тайёрланган докторлик диссертацияси режасининг муфассал лойиҳаси;
• нашр этилган илмий ишлар рўйхати, шунингдек уларнинг нусхалари.

Таянч докторантурада ўқишга талабгорларни танлаб олиш кириш имтиҳонлари натижаларига кўра, докторантурага эса – суҳбат натижаларига кўра амалга оширилади.

Мустақил изланувчилик (фалсафа доктори (PhD) илмий даражаси учун)

Фалсафа доктори (ПҳД) илмий даражаси учун мустақил изланувчиликка магистр дипломга ва белгиланган илмий мақолаларига эга бўлганлар.

Мустақил изланувчилик (фан доктори (DSc) илмий даражаси учун)

Фан доктори (DSc) илмий даражаси учун мустақил изланувчиликка фан номзоди ёки фалсафа доктори (PhD) ёки уларга тенглаштирилган хорижий мамлакатларда олинган дипломга эга бўлган, белгиланган тартибда талабларга мувофиқ илмий даража олганидан сўнг салмоқли илмий ютуқларга эришган шахслар расмийлаштирилади.

Мустақил изланувчиликка талабгорлар (фалсафа доктори (PhD) ва фан доктори (DSc) илмий даражалари учун) қуйидаги ҳужжатларни тақдим этадилар:

• қисқача биографик маълумотнома;
• фалсафа доктори (PhD) илмий даражасини олиш учун мустақил изланувчи сифатида расмийлаштириш учун магистрлик дипломи нусхаси;
• меҳнат дафтарчасининг белгиланган тартибда тасдиқланган нусхаси;
• илмий ишлар рўйхати ва уларнинг нусхаси;
• фан доктори (DSc) илмий даражасини олиш учун мустақил изланувчи сифатида расмийлаштириш учун фан номзоди ёки фалсафа доктори (PhD) дипломи ёки хорижда олинган унга тенглаштирилган бошқа илмий даражалар дипломи нусхаси;
• иш жойидан тавсифнома.

Мустақил изланувчилик институтига қабул суҳбат натижаларига кўра амалга оширилади.

Ҳужжатлар http://phd.mininnovation.uz веб – саҳифаси орқали жорий йил 15 сентябрдан 15 октябргача онлайн қабул қилинади.

Ҳужжатлар Инсон ҳуқуқлари бўйича Ўзбекистон Республикаси Миллий маркази қабул комиссияси томонидан жорий йил 15 сентябрдан 15 октябргача бўлган даврда қабул қилинади.

Телефон: 71-239-48-06

Электрон манзил: kengash@nhrc.uz

Сайт: http://www.insonhuquqlari.uz/

Эслатма: Талабгорлар учун танловда иштирок этиш талаблари ва топшириладиган ҳужжатлар рўйхати Вазирлар Маҳкамасининг 2017 йил 22 майдаги 304-сонли қарори билан тасдиқланган Олий ўқув юртидан кейинги таълим тўғрисидаги низомда батафсил кўрсатилган.